ՀԿՀ հոգաբարձուների խորհուրդը Սիլիհտարում
Հայաստանում կանանց հիմնադրամը մայիսի սկզբին այցելել էր Աշտարակ՝Սիլիհտարի պարտեզները: Այցի նպատակը մեր հոգաբարձուների խորհրդի անդամներ Նվարդ Մանասյանին ու Սևան Պետրոսյանին տեղանքը ցույց տալն ու Սիլիհտարի կոնցեպտը ներկայացնելն էր:
Այցի ընթացքում քննարկել ենք նաև սպասվելիք աշխատանքները:
Հանդիպում դեռահաս աղջիկների նոր խմբի հետ
Ապրիլի 26-ին Հայաստանում կանանց հիմնադրամը հանդիպեց դեռահաս աղջիկների դրամաշնորհի ծրագրի այս տարվա հաղթողների հետ: Հանդիպման ընթացքում աղջիկները ծանոթացան միմյանց հետ, ինչպես նաև ՀԿՀ-ի անդամների, կիսվեցին իրենց նախագծերով, որոնց մասին կպատմենք առաջիկայում:
Ի դեպ, հանդիպմանը ներկա էին նաև նախորդ տարիների մեր դեռահաս աղջիկներից, ովքեր կիսվեցին Հիմնադրամի հետ աշխատելու իրենց փորձի մասին:
Հանդիպում Աղվերանում
Ապրիլի 22-23-ը Աղվերանում տեղի ունեցավ Հայաստանում կանանց հիմնադրամի և գործընկերուհիների միջև հանդիպումը՝ ֆեմինիստական հանգստի և գործընկերության համատեքստում:
Հանդիպման ընթացքում քննարկեցինք մեր ներկա և ապագա ծրագրերն ու անելիքները, ինչպես նաև սովորեցինք ու կիրառեցինք կոլկետիվ հոգատարության մեթոդներ՝ հետագայում առավել արդյունավետ աշխատելու և համագործակցելու նպատակով:
