Հարցազրույցներ գործընկերների հետ
Կանանց հիմնադրամի հետ համագործակցությունը սկսվել է 2024 թվականից:
Կարևորելով երաժշտության գեղեցկությունն ու նրա անսահման ուժը` «Մյուզիք օֆ Արմենիա»-ն նոր շունչ է հաղորդում հայկական երաժշտական ժառանգությանը` վերաբացահայտելով, պահպանելով և խթանելով հայկական երաժշտությունն ու գովերգելով հայ երաժիշտների տաղանդը: Միևնույն ժամանակ «Մյուզիք օֆ Արմենիա»-ն նպաստում է նորարար համագործակցությունների ստեղծմանը և հանդիսատեսին մատուցում է բացառիկ համերգային ծրագրեր ու փառատոններ:
Կանանց հիմնադրամի հետ համագործակցությունը սկսվել է 2024 թվականից:
ՖեմՖորվըրդ ՀԿ առաքելությունն է ստեղծել գիտակից և նախաձեռնող կանանց համայնք, ովքեր նպատակաուղղված են ստեղծելու գենդերազգայուն և կոնֆլիկտազգայուն հասարակություն Հայաստանում։ Առաքելության շրջանակներում ՀԿ կողմից իրականացվող կանանց դերը խթանող միջոցառումները նախատեսում են կանանց ներգրավում անվտանգային և խաղաղաշինական գործընթացներում։ ՀԿ ռազմավարական ուղղություններն են. 1. Խթանել գենդերազգայուն և կոնֆլիկտազգայուն կառուցողական խոսույթի ստեղումն ու տարածումը; 2. Խթանել տեղական համայնքների զարգացումը կանանց առաջնորդական ներուժի զարգացման միջոցով:
Կանանց հիմնադրամի հետ համագործակցությունը սկսվել է 2023 թվականից:
«Սպիտակի Հելսինկյան Խումբ» իրավապաշտպան հասարակական կազմակերպությունը հիմնադրվել է 2010 թվականին: «Սպիտակի Հելսինկյան Խումբ»-ը իրավապաշտպան ՀԿ է, որը զբաղվում է մարդու իրավունքների ջատագովությամբ, միավորում է ժողովրդավարության, հանդուրժողականության սկզբունքները: «Սպիտակի Հելսինկյան խումբ» իրավապաշտպան ՀԿ-ի առաքելությունն է տեղական, տարածաշրջանային և հանրապետական մակարդակներում իրավապաշտպանական գործունեության հզորացումը:
Կանանց հիմնադրամի հետ համագործակցությունը սկսվել է 2021 թվականից:
«Կանանց իրավունքների տունը» (ԿԻՏ) հիմնադրվել է 2017 թվականին, Շիրակի մարզի Գյումրի քաղաքում: Այն ստեղծվել է կանանց իրավունքների և շահերի ընդհանրության, հավասարության ու ապահովության գաղափարի շուրջ՝ խթանելով կանանց իրավունքների պաշտպանությունը, ջատագովելով նրանց հարցերի շուրջ հանրային քաղաքականության փոփոխությունը, և տրամադրելով կարիքների վրա հիմնված տարատեսակ և համալիր ծառայություններ։ Կազմակերպության գործունեության նպատակներն են՝ նպաստել կանանց հիմնարար իրավունքների լիարժեք իրացմանը և համայնքի հզորացմանը, կանխարգելել կանանց նկատմամբ բռնությունը և պաշտպանել նրանց իրավունքները ոտնահարումներից, մասնավորապես՝ աշխատանքային իրավունքների խախտումներից և շահագործումներից, բարձրացնել կանանց իրազեկվածության և գիտելիքների մակարդակը, տրամադրել կարիքների վրա հիմնված աջակցություն, նպաստել կանանց տնտեսական զորեղացմանը, խթանել կանանց համայնքային ակտիվությունը և առաջնորդական հմտությունների զարգացումը, բարձրացնել քաղաքական որոշումների կայացման և ժողովրդական գործընթացներում ներգրավվածությունը, աջակցել մարդու իրավունքների պաշտպանությանը և ժողովրդավարության զարգացմանը Հայաստանում։
Կանանց հիմնադրամի հետ համագործակցությունը սկսվել է 2023 թվականից:
«Սոսե» Կանանց հիմնահարցեր ՀԿ-ի տեսլականն է դառնալ առաջատար և վստահելի կազմակերպություն Սյունիքի մարզում, որը կնպաստի կանանց հզորացմանը անձնական կյանքում և հասարակության մեջ: «Սոսե» Կանանց հիմնահարցեր ՀԿ-ի առաքելությունն է Կանանց դերի բարձրացումը հասարակական և քաղաքական կյանքում: Կազմակերպության հիմնական աշխատանքային ուղղություններն են կանանց քաղաքական հզորացումը, գենդերային հավասարությունը և գենդերային բռնության դեմ պայքարը, ձեռնարկատիրական գործունեության զարգացումը և երիտասարդության հետ աշխատանքը:
Կանանց հիմնադրամի հետ համագործակցությունը սկսվել է 2023 թվականից:
