Հետազոտությունը հիմնված է փոխհատական և կառուցվածքային խոցելիության տեսական մոտեցումների վրա՝ ելնելով այն դիրքորոշումից, որ խոցելիությունը պայմանավորված չէ միայն անհատական հատկանիշներով, այլ սոցիալտնտեսական համակարգերում տարբերություն դնող ու խարանող մեխանիզմների ազդեցությամբ։

Մարտի 22-ին Հայաստանում կանանց հիմնադրամի կողմից կազմակերպվել էր հանդիպում դեռահաս աղջիկների հետ, որոնք տարբեր ծրագրեր են իրականացնում Հայաստանի տարբեր հատվածներում։ Հանդիպման նպատակն էր գնահատել դեռահասների կողմից Հիմնադրամի ֆինանսական աջակցությամբ իրականացված նախագծերը։ Սա Հիմնադրամի` դեռահաս աղջիկների հետ համագործակցության ևս մեկ տարի է, և այն շարունակում է ապացուցել իր արդյունավետությունն ու արդիականությունը` առկա կարիքներին ի պատասխան։ Ֆինանսավորման շրջանակներում իրականացված նախաձեռնությունները բազմազան էին` կրթությունից մինչև արվեստ, մարմնի դրական վերաբերմունք և կանանց իրավունքներ։

Հայաստանում կանանց և ԼԳԲՏԻՔ+ հարցերով զբաղվող կազմակերպությունների և անհատ ակտիվիստների հետ հարցազրույցների միջոցով փորձել ենք հասկանալ, թե ինչպես են կանանց և ԼԳԲՏԻՔ+ շարժումներում ներգրավված մարդիկ Հայսաստանում նույնականացնում կոլեկտիվ տրավման, որոնք են համարում առաջնահերթ, ինչպես են հասկանում և բնորոշում «կոլեկտիվ տրավմա» երևույթը ֆեմինիստական ոսպնյակի ներքո, ինչպես է այն ազդում անհատի ու կոլեկտիվ ընդհանուրի վրա, և թե ինչպես են փորձում դրանք հաղթահարել կոլեկտիվ և անհատական մակարդակներում՝ կիրառելով տարբեր մեթոդներ և գործառույթներ:

Այս փաստաթուղթը տալիս է համապարփակ տեղեկատվություն այն մասին, թե 2024 թվականին որոնք են եղել Կանանց հիմնադրամում դրամաշնորհների տրամադրման հիմնական միտումները։

Այս օնլայն հրապարակման մեջ ամփոփել ենք 2024թ.-ին ՀԿՀ իրականացրած գործունեությունը:

2022-2023 թթ. Հայաստանում կանանց հիմնադրամն իրականացրել է 33 հարցազրույց՝ Հայաստանում կանանց/ֆեմինիստական շարժման ներկայիս իրավիճակը հասկանալու համար։ Խորին հարցազրույցներին զուգահեռ՝ կիրառվել է նաև շարժումների գնահատման գործիքը, որը մշակվել է Կանանց համաշխարհային հիմնադրամի  (Global Fund for Women) կողմից։

Հետազոտության արդյունքներին ծանոթանալ կարող եք այս հրապարակման մեջ:

Այս ժողովածուն ներառում է ճգնաժամային ժամանակներում ֆեմինիստական ուժի ու սոլիդարության մասին պատմություններ՝ աշխարհի տարբեր կետերից։

Իրապես հուսով ենք, որ այս ժողովածուն ևս մեկ անգամ կամրապնդի այն համոզմունքը, որ այս ողբերգական ժամանակներում, երբ մարդիկ, համայնքներն ու ազգերը կորցնում են իրենց հավասարակշռությունը, դեռևս կա հույս, որը բխում է կոլեկտիվ հոգատարությունից, սոլիդարությունից ու կամքից՝ կիսելու միմյանց ցավը:

Այս օնլայն հրապարակման մեջ ամփոփել ենք 2023թ.-ին ՀԿՀ իրականացրած գործունեությունը:

Ինչպես գիտենք՝ գենդերային հավասարությանն ուղղված ֆինանսական ռեսուրսների միայն 1%-ն է բաժին ընկնում կանանց կազմակերպություններին, ինչպես նաև հիմնվելով նախորդ որոշ հետազոտությունների, քննարկումների արդյունքների և գործընկեր կազմակերպությունների կարիքների գնահատման արդյունքների վրա, Հայաստանում կանանց հիմնադրամը նախաձեռնել է ևս մեկ հետազոտություն, որը վերաբերում է այն հարցին, թե որտեղ են կանանց կազմակերպությունների և նրանց արժանապատիվ գործունեությունն ապահովելու համար նախատեսված գումարները կամ ֆինանսական ռեսուրսները։