Հաստիքի անունը՝ «Ֆեմպատում. ֆեմինիստական բանավոր պատմությունների արխիվ» ծրագրի համակարգող
Կազմակերպություն՝ Հայաստանում կանանց հիմնադրամ
Հայաստանում կանանց հիմնադրամի մասին
ՀԿՀ-ում մենք հավատում ենք կանանց պատմությունների ուժին՝ մարտահրավերներ նետելու ընդունված նորմերին, ոգեշնչելու փոփոխություններ և ձևավորելու մեր հավաքական ապագան: Մեր առաքելությունն է աջակցել ֆեմինիստական շարժմանը և բարձրացնել կանանց ձայնը կյանքի բոլոր ոլորտներում:
Աշխատանքի նկարագրություն
Մենք փնտրում ենք դինամիկ և նվիրված անհատի, ով կմիանա մեզ որպես «Ֆեմինիստական բանավոր պատմությունների արխիվ» (Ֆեմպատում) ծրագրի համակարգող: Այս դերն առանցքային է կանանց հարուստ փորձառությունները փաստագրելու և երաշխավորելու, որ նրանց ձայնը լսելի լինի և արժանի հարգանքի:
Հիմնական պարտականությունները
- Մշակել ներառական և ինտերսեկցիոնալ ռազմավարություններ՝ տարբեր ծագում ունեցող կանանցից բանավոր պատմություններ հավաքելու համար՝ բարձրացնելով հաճախ մարգինալացված կամ լռեցված ձայները
- Իրականացնել հարգալից հարցազրույցներ կանանց հետ՝ ճանաչելով և գնահատելով նրանց գործունեությունն ու փորձը
- Ստեղծել և պահպանել արխիվ, որն արտացոլում է կանանց փորձառությունների, մշակույթների և ինքնությունների բազմազանությունը
- Խթանել համագործակցությունը համայնքային կազմակերպությունների և արմատաբուխ (grassroot) շարժումների հետ՝ ընդլայնելու ծրագրի հասանելիությունն ու ազդեցությունը
- Ներդնել բոլոր ջանքերը՝ նոր հերոսներ ներգրավելու և որպես ֆեմինիստական արտահայտման հարթակ՝ արխիվի մասին իրազեկվածությունը բարձրացնելու համար
- Տրամադրել մենթորություն և աջակցություն Ֆեմպատում ծրագրի աշխատակիցներին և կամավորներին՝ ստեղծելով համագործակցային և ներառական միջավայր
- Համոզվել, որ նախագիծը պահպանում է ֆեմինիստական էթիկան՝ ներառյալ տեղեկացված համաձայնությունը և սեփական նարատիվները վերահսկելու իրավունքը
- Մշակել շարունակական հարաբերություններ հերոսների և Ֆեմպատումի անդամների հետ՝ ընդունելով նրանց ներդրումը և զարգացնելով պատկանելության և հզորացման զգացումը
Պահանջվող հմտություններ
- Խորը նվիրվածություն ֆեմինիստական սկզբունքներին և սոցիալական արդարությանը: Փորձ բանավոր պատմության, համայնքի կազմակերպման կամ հարակից ոլորտներում` ինտերսեկցիոնալության և ներառականության վրա կենտրոնացումով:
- Ծանոթություն արխիվային սկզբունքներին և գործելակերպին:
- Հաղորդակցման գերազանց հմտություններ՝ իշխանության դինամիկայի նկատմամբ զգայունությամբ և ներառական միջավայր ստեղծելու պարտավորությամբ:
- Ուժեղ կազմակերպչական հմտություններ և մանրուքների նկատմամբ ուշադրություն:
- Ինչպես ինքնուրույն, այնպես էլ համատեղ աշխատելու կարողություն․ կարևորվում է գնահատել տարբեր տեսակետներն ու փորձառությունները:
- Աուդիո/վիդեո ձայնագրման սարքավորումների և ծրագրերի իմացությունը ցանկալի է։
Դիմելու գործընթացը
Աշխատանքին դիմելու համար խնդրում ենք info@womenfundarmenia.org էլ. հասցեին ուղարկել հետևյալը՝ վերնագրի բաժնում գրելով՝ «Ֆեմինիստական բանավոր պատմությունների արխիվի համակարգող».
- Ռեզյումե/CV
- Ուղեկցող նամակ, որն ընդգծում է ձեր նվիրվածությունը ֆեմինիստական սկզբունքներին և բանավոր պատմությունների և արխիվացման համապատասխան փորձառությանը
- Կոնտակտային տվյալներ երկու անձանցից, որոնք կարող են խոսել ձեր հմտությունների և արժեքների մասին
Դիմելու վերջնաժամկետ՝ հունիսի 15։
Լրացուցիչ տեղեկություն
Աշխատանքը կես դրույքով է՝ ճկուն ժամերով: ՀԿՀ-ն հավատարիմ է բազմազանությանն ու ներառականությանգ և խրախուսում է բոլոր հետաքրքրվածներին դիմել այս հաստիքի համար:
Կոնտակտային տվյալներ
Հարցերի դեպքում դիմեք մեզ՝ 098244933 հեռախոսահամարով կամ գրեք մեզ մեր սոցիալական մեդիայում:
Միացե՛ք մեզ՝ ուժեղացնելու կանանց ձայնը և կառուցելու ավելի արդար և հավասար աշխարհ բոլորի համար:
