Հայաստանում կանանց հիմնադրամը «Ձևավորելով Հայաստանի մարգինալացված խմբերի կանանց և աղջիկների դիմակայունությունը բազմաճգնաժամային շրջանում» ծրագրի շրջանակներում հայտարարում է դասընթացավարների բաց կանչ:
Ծրագիրն ուղղված է Հայաստանի տարբեր մարզերից 15 կանանց կազմակերպությունների դիմակայունության ամրապնդմանը կանանց և աղջիկների մարգինալացված խմբերի հետ աշխատանքի ընթացքում կոնֆլիկտային և հետկոնֆլիկտային համատեքստից բխող տարբեր ճգնաժամերի ժամանակ: Կարողությունների զարգացումից հետո բոլոր 15 ՔՀԿ-ները կհրավիրվեն ներկայացնելու հայեցակարգեր փոքր ծրագրի իրականացման համար՝ բարձրացնելու համապատասխան մարգինալացված խմբերի կանանց և աղջիկների իրավիճակի մասին իրազեկվածությունը: Լավագույն ձևակերպված 4 հայեցակարգերը աջակցություն կստանան իրենց ծրագրերն իրականացնելու համար:
Ծրագրի շրջանակներում նախատեսվում է անցկացնել 9 դասընթաց հետևյալ թեմաներով.
- Ֆոնդահայթայթում և ռեսուրսների մոբիլիզացում
- Թվային անվտանգություն
- Ռազմավարական պլանավորում
- Ռազմավարական հաղորդակցություն
- Սոցիալական ներառականություն
- Ֆեմինիստական ադվոկացիա
- Գենդերային վերլուծություն և գենդերային զգայուն բյուջետավորում
- Կլիմայի փոփոխություն
- Ծրագրերի կառավարում
Դասընթացներն անցկացվելու են օնլայն` Zoom հարթակում: Տևողությունը` 4 ժամ: Հետաքրքրված մասնագետները կարող են ուղարկել իրենց ռեզյումեն, դասընթացի մոդուլը և նկարագրությունը մինչև ս./թ. հոկտեմբերի 20-ը contact@womenfundarmenia.org էլ.հասցեին:
Ծրագիրն իրականացվում է ՀՀ-ում ԱՄՆ դեսպանատան աջակցությամբ:
