Հայաստանում կանանց հիմնադրամը հայտարարում է արագ արձագանքման դրամաշնորհի մրցույթ: Դրամաշնորհային մրցույթի նպատակն է աջակցություն ցուցաբերել կանանց այն կազմակերպություններին ու նախաձեռնող խմբերին, որոնք կորոնավիրուսի համաճարակի պայմաններում հայտնվել են ֆինանսական դժվարության ու գործունեության խաթարման առաջ:
Մրցույթին մասնակցելու համար հարկավոր է ուղարկել հայտադիմում, որտեղ անհրաժեշտ է պատասխանել հետևյալ հարցերին.
- Ներկայացնել ձեր կազմակերպությունը/նախաձեռնող խումբը, հակիրճ պատմել ձեր գործունեության մասին
- Ներկայացնել, թե ինչ խնդիրների առաջ է հայտնվել ձեր կազմակերպությունը՝ կապված համաճարակային դրության հետ
- Ներկայացնել, թե ինչպես եք պատրաստվում ծախսել դրամաշնորհը և այն ինչպես կարող է օգնել ձեր կազմակերպությանը և ձեր անմիջական շահառուներին/թիրախային խմբերին
Մրցույթին կարող են մասնակցել հայաստանյան կանանց կազմակերպություններն ու նախաձեռնող խմբերը: Դրամաշնորհի բյուջեն յուրաքանչյուր հաղթող կազմակերպությանը/նախաձեռնությանը կազմում է 500-1000 եվրո: Մրցույթին մասնակցելու համար ուղարկեք ձեր հայտը contact@womenfundarmenia.org էլ.հասցեին: Հարցերի դեպքում կարող եք ուղարկել նամակ վերոնշյալ էլ.հասցեին կամ զանգահարել 098 244 933 հեռախոսահամարով։ Հայտերը կարող եք ուղարկել մինչև սույն թվականի ապրիլի 20-ը:
Անչափ կարևոր է, որ ձեր ծրագրերում պահպանեք այն սկզբունքները, որոնցով առաջնորդվելու ենք դրանք գնահատելիս: Այդ սկզբունքներին կարող եք ծանոթանալ այստեղ:
