Գոյություն ունեն մի շարք սկզբունքներ, որոնց պահպանումը անչափ կարևոր է մարդու, կանանց իրավունքների ոլորտում ծրագրեր/նախաձեռնություններ իրականացնելիս, և որոնց մեծ ուշադրություն են դարձնում դոնոր կազմակերպությունները/անհատները: Հայաստանում կանանց հիմնադրամը ևս կարևորում է այդ սկզբունքները և հորդորում իր ներկա և ապագա շահառուներին ու գործընկերներին առաջնորդվել այդ սկզբունքներով: Դրանք են.
1.ՊԱՏԱՍԽԱՆԱՏՎՈՒԹՅՈՒՆ/ՀԱՇՎԵՏՎՈՂԱԿԱՆՈՒԹՅՈՒՆ
Սովորաբար կազմակերպությունները, հիմնադրամները հաշվետու են իրենց դոնորների, բայց ոչ շահառուների առաջ: Սակայն իրականում ուժային դինամիկան կոտրելու և հաշվետվողականությունը բարձրացնելու նպատակով անհրաժեշտ է մշակել մեխանիզմներ, որոնցով հնարավոր կլինի պատասխանատվության դաշտ բերել բոլոր օղակներին: Հայաստանում կանանց հիմնադրամը, լինելով հաշվետու ու թափանցիկ իր գործունեության մեջ, նույնն ակնկալում է նաև իր շահառուներից: Ցանկացած ծրագիր/նախաձեռնություն ցանկալի արդյունքի կարող է հասնել միայն փոխադարձ հաշվետվողականության և վստահության պարագայում:
![](https://i0.wp.com/womenfundarmenia.org/wp-content/uploads/2020/04/2.jpg?resize=681%2C284&ssl=1)
2.ՀԱՄԱՅՆՔԱՅԻՆ ԱՌԱՋՆՈՐԴՈՒԹՅՈՒՆ
Մարդու իրավունքների ոլորտում ֆինանսավորողները գիտակցում են, որ անարդարության ենթարկվող անհատներն ու համայքներն իրենք պետք է առաջնորդեն փոփոխության այն շարժումը, որին ուզում են հասնել: Նույն սկզբունքը կարևորում ենք նաև մենք.համայնքներն ու խմբերը պիտի լինեն դրամաշնորհի ակնկալիք ունեցող ծրագրերի կենտրոնում: Մասնակցությունն ու ներառականությունը պետք է պարտադիր սկզբունք լինեն ցանկացած ծրագրի համար՝ այդպիսով ապահովելով որոշումների ընդունման գործընթացում շարունակ անտեսվող անհատների ու խմբերի ընգրկվածությունը:
![](https://i0.wp.com/womenfundarmenia.org/wp-content/uploads/2020/04/mar2019-community1200x630.png?resize=682%2C358&ssl=1)
3.ՀՈԳԱՏԱՐՈՒԹՅՈՒՆ
Սոցիալական փոփոխության հասնելը խիզախություն է պահանջում ու ռիսկի մեծ չափաբաժին պարունակում: Տրավման, բռնությունը, անվտանգությունն ու ապահովությունը մարդու/կանանց իրավունքների պաշտպանությամբ զբաղվողների մշտական խնդիրներից են: Դոնորները պետք է հոգատարություն ցուցաբերեն մարդկանց հանդեպ՝ այդպիսով օգնելով փոփոխություն բերել համայնքում և դարձնել այն ուժեղ ու ճկուն: Մենք շարունակ ուշադրություն ենք դարձնում մեր շահառուների ֆիզիկական ու հոգեկան առողջությանը՝ ակնկալելով, որ դուք էլ նույնն ենք անում ձեր շահառուների հարցում:
![](https://i0.wp.com/womenfundarmenia.org/wp-content/uploads/2020/04/1200px-care_international_e28093_friendship_and_love.jpg?resize=631%2C440&ssl=1)
4.ՀԱՄԱՐՁԱԿՈՒԹՅՈՒՆ
Մենք գիտակցում ենք ռիսկի դիմելու, նորարար լինելու կարևորությունը սոցիալական փոփոխության հասնելու գործում: Ռիսկի դիմելը պահանջում է սեփական գործունեության մեջ քաջություն՝ ներառյալ նոր ու չփորձած լուծումներ գտնելը, հարմարավետության զոնայից դուրս գալը, իշխանություն զիջելն ու ռազմավարություն մշակելը: Հարկավոր է զարգացնել սեփական ձախողումների, անսպասելի արդյունքների ու սխալների մասին անկեղծ խոսելու մշակույթ: Նման անկեղծությունը նպաստում է խնդիրները նոր լույսի ներքո տեսնելուն և դրանց նոր կողմից մոտենալուն:
![](https://i0.wp.com/womenfundarmenia.org/wp-content/uploads/2020/04/13853-yellow-red-outsider-unique-different-isolation-wide.1200w.tn_.jpg?resize=1200%2C627&ssl=1)
5.ՀԱՄԱԳՈՐԾԱԿՑՈՒԹՅՈՒՆ ԵՎ ԲԱԶՄԱԶԱՆՈՒԹՅՈՒՆ
Կառուցվածքային փոփոխության հասնելն անհար է առանց խմբերի՝ և՛ հովանավորող, և՛ ակտիվիստական, համագործակցության: Այն ներառում է ռազմավարական դաշինքներ, կոալիցիաներ կազմելը և համագործակցություն նախաձեռնելը՝ վստահություն խթանելով և բալանսավորելով ուժերն ու ստրատեգիաները: Մեր համագործակցությունների մեջ մենք փնտրում ենք մոտեցումների ու հեռանկարների բազմազանություն: Մենք գնահատում ենք հարգանքը բազմազանության ու հավասարության հանդեպ:
![](https://i0.wp.com/womenfundarmenia.org/wp-content/uploads/2020/04/circle-collaboration-1024x1024-1.png?resize=442%2C442&ssl=1)