«Իրավունքի կողմ» իրավապաշտպան հասարակական կազմակերպությունը Տրանս և սեքս

աշխատողների առաջին համայնքային կազմակերպությունն է Հայաստանում և տարածաշրջանում: Կազմակերպությունը հիմնադրվել է 2016 թվականն Տրանս ակտիվիստների կողմից և դրանից ի վեր ուղղել է իր ջանքերը Տրանս, ԼԳԲԻՔ և սեքս աշխատող համայնքների իրավունքների պաշտպանությանը և առողջության ապահովմանը, քաղաքականության բարեփոխումների ջատագովությանը և համայնքների տեսանելիությունն ու մոբիլիզացիայի բարձրացնելուն: Մեր առաքելությունն է՝ արձագանքել տրանսգենդեր անձանց և սեքս աշխատողների առջև ծառացած մարտահրավերներին՝ շահերի պաշտպանության, տեսանելիության բարձրացման, զարգացման և աջակցման ծրագրերի միջոցով։ Մեր տեսլականն է ունենալ գենդերային արդարության վրա հիմնված հասարակություն, որտեղ տրանսգենդեր անձինք և սեքս աշխատողները պաշտպանված են ու ապրում են բարօրության մեջ։ Կազմակերպությունը աշխատում է հասրակությունում բազմազան գենդերային ինքնությունների

նկատմամբ բացասական վերաբերմունքի նվազեցման, համայնքների և նրանց խնդիրների վերաբերյալ տեսանելիության բարձրացման, գենդերային ինքնության կամ սեռական կողմնորաշման և զբաղվածության հետ կապված խարանի հիմքով խտրականության ու բռնության բացառման, համայնքների սոցիալական ներգրավվածության և այլ հիմնախնդիրների շուրջ։

Կանանց հիմնադրամի հետ համագործակցությունը սկսվել է 2025 թվականից:

Կազմակերպության նպատակն է աշխատել տեղական, տարածաշրջանային, միջազգային

մակարդակներում՝ նպատակ ունենալով աջակցել և առաջ մղել, խթանել մարդու իրավունքները, ինչպես նաև՝ մարդասիրական և ժողովրդավարական արժեքների տարածումը հակամարտության մեջ գտնվող կամ հակամարտությունից տուժած, ինչպես նաև՝ մշակութային բռնության առկա հանրույթններում։ Կազմակերպության առաջնահերթություններից է նաև կանանց ու երիտասարդների հզորացումը, հոգեկան ու ֆիզիկական առողջության խթանումը՝ գիտելիքի ու աջակցության տրամադրման միջոցով։

Կանանց հիմնադրամի հետ համագործակցությունը սկսվել է 2024 թվականից:

«Հայ աղջիկների առաջնորդությունը ֆուտբոլում» (GOALS) ծրագիրը նորարարական նախաձեռնություն է, որը նվիրված է աղջիկների կարողությունների զարգացմանը և աղջիկների համար հավասար հնարավորությունների ապահովմանը Հայաստանի ողջ տարածքում։ Հիմնված այն համոզմունքի վրա, որ սպորտը կարող է լինել հասարակական փոփոխությունների հզոր գործիք, GOALS-ը կենտրոնանում է աղջիկներին, հատկապես պակաս ծառայություններ ունեցող համայնքներում, տրամադրելու հարթակ՝ կյանքի  անհրաժեշտ հմտությունների, առաջնորդության հմտությունների և ինքնավստահության զարգացման համար։ Սպորտային լիգաների, կրթական վարպետաց դասերի և խաղերի միջոցով GOALS-ը ձգտում է փշրել գենդերային պատնեշները, մարտահրավեր նետել հասարակական նորմերին և ներշնչել վստահ, կարողունակ երիտասարդ կանանց նոր սերունդ: Կազմակերպությունը նվիրված է ստեղծել հավասար հնարավորությունների միջավայր, որտեղ յուրաքանչյուր աղջիկ հնարավորություն ունի զարգանալու՝ անկախ ծագումից կամ պայմաններից, նպաստելով ավելի արդար և ներառական հասարակության ձևավորմանը Հայաստանում։

«Սիրո կանալ» կամզակերպությունը կենտրոնանում է սոցիալական ցանցերում բժշկական և լիազորող բովանդակություն առաջարկելու վրա՝ կանանց համար հարթակ տրամադրելով անանուն քննարկելու սոցիալական և ֆիզիկական խնդիրները: Մեր նախաձեռնությունը ներառում է տարբեր արշավներ թվային եղանակով և հաղորդակցման այլ միջոցներով: Մենք հանձնառու ենք տրամադրել դատողություններից զերծ, փաստերի վրա հիմնված բովանդակություն, որը լիազորում և կրթում է ինչպես տղամարդկանց, այնպես էլ կանանց Հայաստանում կանանց առջև ծառացած կարևորագույն խնդիրների վերաբերյալ, ներառյալ՝ սեռական և սեռական ճանապարհով փոխանցվող վարակների (ՍՃՓՀ) վերաբերյալ բժշկական էթիկան, գաղտնիության հետ կապված մտահոգությունները, հակաբեղմնավորիչների օգտագործումը, սեռական ճանապարհով փոխանցվող վարակները (ՍՃՓՀ), սեռական ճանապարհով փոխանցվող հիվանդությունները (ՍՃՓՀ), դաշտանային առողջության կառավարումը և հոգեկան առողջության խորհրդատվությունը: Հայկական համայնքներում կանայք սեռական առողջության կրթության բացակայության պատճառով բախվում են բազմաթիվ առողջական, սոցիալական և տնտեսական հետևանքների: «Սիրո ալիքը» նպատակ ունի լրացնել այս գիտելիքների բացը՝ համապարփակ իրազեկման ծրագրի միջոցով, տրամադրելով բժշկական խորհրդատվություն, հավաքելով տվյալներ և վիճակագրություն, և լիազորելով կանանց բաց զրույցներ ունենալ իրենց առողջության մասին:

Կանանց հիմնադրամի հետ համագործակցությունը սկսվել է 2024 թվականից:

«Մշակութային և սոցիալական նարատիվների լաբորատորիա»-ն բազմաբնույթ հարթակ է, որը ստեղծվել է մի խումբ անկախ հետազոտողների, գիտնականների, մշակութային գործիչների և արվեստագետների կողմից։ Թիմի նպատակն է անդրադառնալ արդի մշակութային և սոցիալական խնդիրներին, որոնք առանցքային են ոչ միայն Հայաստանի այլև՝ տարածաշրջանի համար։ CSN Lab-ն ունի գործունեության թեմատիկ լայն շրջանակ ի դեմս հիշողության ուսումնասիրության և հիշողության ակտիվիզմի, մշակութային իրավունքների (գենդերային ուսումնասիրություններ, քվիր մշակույթ, նյութական և ոչ նյութական մշակութային ժառանգություն և այլն), բարդ անցյալի և կոլոնիալիզմի, քաղաքային և հանրային տարածքների, կոնֆլիկտների տրանսֆորմացիայի (երկխոսություն մշակույթի միջոցով) և այլն։
Կանանց հիմնադրամի հետ համագործակցությունը սկսվել է 2023 թվականից:

Կազմակերպության առաքելությունն է պայքարել ընտանեկան բռնության դեմ, խթանել գենդերային հավասարությանը և աջակցել կանանց հզորացմանը: Ընտանեկան բռնություն վերապրածներին ուղղված ծառայությունների, քաղաքականության շահերի պաշտպանության և կոալիցիայի կառուցման միջոցով ԿՀՌԿ-ն աշխատում է համակարգային փոփոխություններ ստեղծելու ուղղությամբ՝ ապահովելով կանանց պաշտպանությունը, հզորացումը և լիարժեք մասնակցությունը Հայաստանի հասարակական և քաղաքական կյանքում: Նպատակն է կանխարգելել ընտանեկան բռնությունը, արագ արձագանքել ընտանեկան բռնության դեպքերին՝ ստեղծելով նոր հնարավորությունների հարթակներ Կոտայքի մարզում։

Կանանց հիմնադրամի հետ համագործակցությունը սկսվել է 2023 թվականից: