Կազմակերպությունը ձգտում է ստեղծել մի հասարակություն, որտեղ Հայաստանում բնակվող և

Արցախից տեղահանված կանայք կապրեն առանց բռնության և կունենան հավասար հնարավորություններ, մասնակցելու և որոշումներ կայացնելու կյանքի բոլոր ոլորտներում՝ ընտանիքից մինչև համայնք, մշակույթ, քաղաքականություն և տնտեսություն։ Կազմակերպության առաքելությունն է աջակցել բռնության և պատերազմի հետևանքները կրող կանանց ու աղջիկներին: Աջակցությունն իրականացվում է կանանց և աղջիկներին տրամադրելով կրթական ու կարողությունների զարգացման ծրագրեր, նաև կարևորելով հոգեբանական աջակցությունն ու ապահովության զգացումը, որպեսզի նրանք կարողանան լիարժեք ներգրավվել հասարակական կյանքում։

Կանանց հիմնադրամի հետ համագործակցությունը սկսվել է 2019 թվականից:

ՍԲՃԿ-ը միակ կազմակերպությունն է Հայաստանում, որը սոցիալական աշխատանքի, իրավաբանական և հոգեբանական աջակցություն է տրամադրում սեռական բռնություն և սեռական ոտնձգություններ վերապրածներին։

«Կանանի» սոցիալ-հոգեբանական կենտրոն ՀԿ-ն իր գործունեությունը ծավալում է Շիրակի մարզում, հիմնադրվել է 2019 թվականին: Կազմակերպության տեսլականն է ունենալ հոգեկրթված, հոգեպես առողջ հասարակություն Կանանի ՀԿ-ը հոգեբանական աջակցության՝ հոգեկրթության միջոցով իրականացնում է կյանքի դժվարին իրավիճակում հայտնված անձանց ներուժի զարգացում , ինչպես նաև մասնագիտական խոչընդոտների առջև կանգնած անձանց սոցիալ-հոգեբանական վերականգնում: Կազմակերպության գործունեությունը բխում է ՄԱԿ-ի կայուն զարգացման հետևյալ նպատակներից. ապահովել ներառական ու համապատասխան որակյալ կրթություն բոլորի համար և խթանել ողջ կյանքի ընթացքում ուսման հնարավորություններ, հասնել գենդերային հավասարության և զորացնել բոլոր կանանց ու աղջիկներին, խթանել կայացած, ներառական և կայուն տնտեսական աճ, լիարժեք և արտադրողական զբաղվածություն և արժանապատիվ աշխատանք բոլորի համար

Կանանց հիմնադրամի հետ համագործակցությունը սկսվել է 2018 թվականից: 

Կանանց իրավունքների տունը (ԿԻՏ) հիմնադրվել է 2017 թվականին, Շիրակի մարզի Գյումրի քաղաքում: Այն ստեղծվել է կանանց իրավունքների և շահերի ընդհանրության ու ապահովության գաղափարի շուրջ՝ խթանելով կանանց իրավունքների պաշտպանությունը, ջատագովելով նրանց հարցերի շուրջ հանրային քաղաքականության փոփոխությունը, և տրամադրելով կարիքների վրա հիմնված աջակցություն։

«Իրավական նախաձեռնությունների կենտրոն» ՀԿ-ի առաքելությունն է աջակցել այնպիսի իրավական պետության ձևավորմանը, որտեղ մարդը, նրա արժանապատվությունը, իրավունքները և ազատությունները ճանաչված են որպես բարձրագույն արժեքներ: Կազմակերպության գործունեության առաջնահերթություններից է փակ հաստատություններում

հանրային վերահսկողություն և մշտադիտարկում իրականացնելը՝ նպաստելու այնտեղ պահվող անձանց վիճակի բարելավմանը և իրավունքների պաշտպանությանը։ Այդ նպատակով կազմակերպությունը տարբեր տարիների ընդգրկվել է քրեակատարողական հիմնարկների և հոգեբուժական հաստատությունների դիտորդական խմբերում, որոնց կազմում իրականացրել է ազատազրկված և հոգեկան առողջության խնդիրներ ունեցող անձանց, այդ թվում՝ կանանց իրավունքների հանրային վերահսկողություն, մշտադիտարկել է նրանց աշխատանքային և կենցաղային պայմանները, առողջապահական, սոցիալ-հոգեբանական ծառայությունների և սննդի որակն ու հասանելիությունը և այլն։ Բացի այդ, կազմակերպությունն իրականացրել է մի շարք ծրագրեր, որոնց շրջանակներում ուսումնասիրել է ազատազրկված կանանց և պրոբացիայի կին շահառուների վերասոցիալականացման հիմնախնդիրները, նրանց աշխատանքի և կրթության իրավունքի իրացման խոչընդոտները, քրեակատարողական և պրոբացիայի ոլորտներում գենդերային զգայուն քաղաքականության ներդրման կարևորությունը: Ծրագրերն ուղղված են եղել նաև ազատազրկված կանանց և պրոբացիայի կին շահառուների հզորացմանը, նրանց մասնագիտական ու աշխատանքային հմտությունների զարգացմանը և բարելավմանը, նրանց նկատմամբ հանրության վերաբերմունքի փոփոխությանը:

Կանանց հիմնադրամի հետ համագործակցությունը սկսվել է 2019 թվականից: 

«Սոցիոսկոպ» ՀԿ-ն հիմնադրվել է 2008 թվականին երեք կին հասարակագետ-հետազոտողների կողմից՝ իրավապաշտպան քաղաքացիական հասարակությանը հետազոտական գիտելիքով օժանդակելու նպատակով։ Այս տարիների ընթացում կազմակերպության առաքելությունը Հայաստանում արդի քննադատական հասարակագիտական մտքի կայացմանը նպաստելն է հետազոտությունների, թարգմանությունների և կրթական նախաձեռնությունների միջոցով: Կազմակերպության հետազոտությունները վերլուծում են հայաստանյան քաղաքացիական շարժումները և քաղաքացիական հասարակության հիմնախնդիրները, մարդու իրավունքները և գենդերային հարցերը, կանանց իրավունքները, իշխանության, սեռականության, մշակույթի և ազգի գերիշխող հավաքական գիտելիքը, պատերազմի, խաղաղության և ապագայի հարցերը։

Կանանց հիմնադրամի հետ համագործակցությունը սկսվել է 2020 թվականից: