Այս անգամ ձեզ ենք ներկայացնում Վայոց Ձորի մարզի մեր գործընկերներին:
«Մենք սկզբում հանդես ենք եկել որպես նախաձեռնող խումբ, մեր խմբում ներգրավված են կամավորներ, նվիրյալներ, մարդիկ, ովքեր հետաքրքրված են կանանց հիմնախնդիրների լուծման հարցերով»։ Կազմակերպությունն իր առջև նպատակ է դրել տարածաշրջանում բարձրացնել կանանց դերը քաղաքական, հասարակական,սոցիալական և մշակույթային ոլորտներում։ Կազմակերպության առաքելությունն է նպաստել հաշմանդամություն ունեցող անձանց ինտեգրմանը հասարակության մեջ, ապահովել նրանց լիարժեք մասնակցությունը հասարակական կյանքին։
«Հայաստանում Կանանց հիմնադրամի մասին տեցեկացել ենք համացանցից, նկատեցինք հայտարարություն, որում նշված էր, որ Հիմնադրամը 2019թ. հունիսի 7-8 իրականացնելու է վերապատրաստում, որին հաջորդելու է դրամաշնորհի հայտարարությունը։ Գրանցվեցինք վերապատրաստման համար և մեծ ոգևորությամբ սպասում էինք մեկնարկին։ Երբ եկավ օրը, մասնակցեցինք ու մեր ոգևորվածությունն էլ ավելի կրկնապատկվեց շնորհիվ Հիմնադրամի աշխատակազմի ջերմ ընդունելության, բովանդակալից վերապատրաստման, նոր և հաճելի մարդկանց հետ կապեր ստեղծելու»։
«Մենք մեր առաջին քայլն արել ենք Հիմնադրամի հետ և շատ ուրախ ենք ու շնորհակալ: Համագործակցության արդյունքում գրանցեցինք մեր «Դու մենակ չես» կանանց աջակցման ՀԿ-ն ու շարունակում ենք մեր գործունեությունը։ Հիմնադրամից ստացած դրամաշնորհով իրականացնում ենք «Քո տեղը մեր կողքին է» ծրագիրը»։ Ծրագրի շահառուները միայնակ մայրերն են և հաշմանդամ կանայք։ Ծրագիրն ունի երկու ուղղություն.
1. Ուլունքագործություն ( զարդերի պատրաստում)
2. Եղեգագործություն ( կենցաղում կիրառելի իրերի պատրաստում)
«Կցանկանայինք որ ծրագիրն ունենար շարունակական բնույթ, որի նպատակը կլինի սոցիալական նախաձեռնության արդյունքում շուկա մտնելը»։
