Սոցիալական հեռավորության պատճառով մեզանից շատերն այժմ ավելի շատ ժամանակ են անցկացնում տանը: COVID-19 համաճարակը անորոշություն է բերել ոչ միայն բիզնեսի, գիտության և այլ ոլորտներին, այլ նաև անձնական հարաբերություններում: Անկանխատեսելիությունը վախ է ծնում, որը հիմնականում սթրես է առաջացնում մարդկանց մոտ: Այս վիրուսից վախենում են և՛ մեծահասակները, և՛ երեխաները: Բոլորը սպասում են, թե երբ են վերադառնալու կյանքի սովորական ռիթմին:

Մեր հարաբերությունները ամենամտերիմ անձանց հետ նույնպես կարծես փորձության են ենթարկվում: Լինի դա ամուսնու, զուգընկերոջ, լավագույն ընկերոջ, թե պարզապես ընտանիքի անդամի հետ՝ տանը փակված մնալը փորձության է վերածվում:

Էրիկա Բոսսիերեն ու նրա ամուսին Ֆիլը հարաբերությունների մասնագետ են Սան Ֆրանցիսկոյում: Էրիկան ասում է.«COVID-19-ով պայմանավորված՝ շատ ընտանիքներում վախի ու պանիկայի մթնոլորտ կարող է ձևավորվել, հատկապես երբ անհրաժեշտ է հետևել երեխաների օնլայն դասապատրաստմանը: Իսկ նման գերծանրաբեռնվածությունը կարող է տրամադրությունդ տարբեր ուղղություններով տանել»: Ֆիլն ավելացնում է.«Զանգեր ենք ստանում զույգերից, որոնք ասում են՝ արդեն կարծես միմյանց կոկորդի վրա նստած լինենք, օգնության կարիք ունենք»:

Իսկ եթե հարաբերություններ ունեք մեկի հետ, ում հետ չեք ապրու՞մ: Եթե ինքնամեկուսացել եք ու պահպանում եք սոցիալական հեռավորություն՝ տանը մնալով, հավանական է, որ ձեզ մոտ զգացողություն առաջանա, թե հեռակա հարաբերության մեջ եք:

Բրայան Թոնգը, որ երկար ժամանակ հարաբերություններ է ունեցել հեռավորության վրա, ասում է, որ ցանկացած հարաբերության մեջ՝ անկախ նրանից հեռու ես տվյալ մարդուց, թե նրա մոտ, նրան պետք է գերակա կարևորություն տաս: «Որպես մարդ, ով երկար ժամանակ հարաբերություններ է ունեցել հեռավորության վրա, խորհուրդս է, ինչքան էլ որ պարզ հնչի, կապի մեջ մնալ»:

Եթե միայնակ ու մեկուսացված եք զգում, FaceTime-ի և Zoom-ի պես տեսազանգիի հնարավորություն ապահովող ծառայությունները կարող են օգնության հասնել: Թոնգը խորհուրդ է տալի.«Կարևոր է ոչ միայն միմյանց տեսնելը տեսազանգով, այլ միասին ինչ-որ բաներ անելը, օրինակ՝ ժամադրության երեկո կազմակերպել… միասին պատրաստել, ուտել ու այդ ընթացքում չշեղվել ոչ մի բանով: Եվ պարզապես զրուցել»:

Կարևոր է հիշել, որ բոլորս էլ սթրեսային իրավիճակում ենք գտնվում: Որքան շատ բարի վերաբերվենք միմյանց, այնքան ավելի լավը կդառնան մեր հարաբերությունները, երբ այս ամենն ավարտվի:

Էրիկան այսպես է ամփոփում.«Մարդիկ հիմա վատ տրամարդության մեջ են, իսկ տրամադրությունը դատելը բավականին հեշտ է: Ամեն մեկը յուրովի է արձագանքում պանիկայի մեջ գտնվելիս: Շատ կարևոր է փորձել հնարավորին ամեն բան անել պահպանելու հեռավորության վրա հարաբերությունները կամ տանը՝ ընտանիքի հետ հարաբերությունները, փորձել շատ քննադատաբար չմոտենալ ընտանիքի անդամներին կամ զուգընկերոջը»:

Հաղորդակցությունը լարված իրավիճակը մեղմելու բանալին է: Զույգերը պետք է ժամանակ տրամադրեն միմյանց հետ նստելու, հեռախոսները մի կողմ դնելու և այնպիսի միջավայր ստեղծելու համար, որտեղ երկուսն էլ անկեղծորեն կխոսեն իրենց հուզող հարցերից:

Մասնագետներն առաջարկում են զույգերին պատասխանել հետևյալ հարցին.«Ինչպես պահպանենք հույսն ու դրական տրամադրությունը զվարճալի ու միմյանց կապող խաղերի, գործողությունների միջոցով»: Կարելի է իրար հետ կոմեդիա նայել, որևէ փոդքասթ լսել, անգամ պարել, սակայն չչարաշահեք ալկոհոլի օգտագործումը:

Բացի իրար հետ անցկացրած ժամանակից՝ կարևոր է նաև ժամանակ տրամադրել առանձնանալուն, քո սեփական գործերն անելուն ու մյուսների հետ սոցիալական մեդիայով շփվելուն:

Մեր կայքում ևս կարող եք գտնել ֆիլմերի, երգերի, գրքերի, սթենդափ ներկայացումների օգտակար ցանկեր:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s