«ՍՎԵՏՈԶԱՌ» Կրթական  ՀԿ-ը. մեր գործընկերներն Արարատի մարզից

«ՍՎԵՏՈԶԱՌ» Կրթական ՀԿ-ը. մեր գործընկերներն Արարատի մարզից

«ՍՎԵՏՈԶԱՌ» Կրթական-հասարակական կազմակերպության հիմնական նպատակներից է իրականացնել կրթական ծրագրեր երիեխաների, երիտասարդների և կանանց  համար:  Հիմնական թիրախային խբերը գյուղաբնակ  երիտասարդությունն ու կանայք են:  ՀԿ-ը  հիմնվել է 2017 թ. նոյեմբերին Արարատի մարզ Դվին գյուղում: Արարատի մարզում էլ իրականացրել է  հետևյալ ծրագրերը՝ «Դեռահաս աղջիկների հիգիենա» ծրագիրը Արարատի մարզի  106 դպրոցում «Իրական աշխարհ, իրական մարդիկ» ՀԿ  աջակցությամբ, կազմակերպել է Արարատի մարզի  40 դպրոցների միջև աշակերտական ֆուտբոլի թիմերի առաջնություն  40 համայնքնեի  ՏԻՄ-երի աջակցությամբ:

«Հայաստանում Կանանց Հիմնադրամի կողմից հայտարարված ծրագրի մասին տեղեկացել ենք  ՀԿ ԴԵՊՈ  կայքից, մասնակցել  ՀԿՀ-ի կողմից կազմակերպած դասընթացներին և մրցույթով շահել դրամաշնորհ «Կանանց հզորացում գյուղական համայնքներում» ծրագիրը Արարատի մարզի Վերին Դվին համայնքում իրականացնելու համար»: Վերին Դվին համայնքը առանձնանում է նրանով, որ համայնքի բնակիչների 80% -ը ասորիներ են, ասորի և հայ կանայք միասին կրում են այն բոլոր դժվարությունները, որոնք հատուկ են և բաժին են ընկել գյուղաբնակ կանանց: Այսօր շատ կանայք՝ հատկապես մարզերում ու գյուղական համայնքներում, շարունակում են անտեղյակ մնալ իրենց իրավունքների մասին և կաշկանդված իրենց գործողություններում:  Ժամանակի   պահանջն էր օգնել գյուղական կանանց` դառնալու ակտիվ քաղաքացի, բարձրացնել կանանց  դերը հասարակության մեջ՝ նպաստելով նրանց զարգացմանը քաղաքացիական կրթության միջոցով: Այս  նպատակով «ՍՎԵՏՈԶԱՌ» Կրթական  ՀԿ-ը   նախաձեռնել  է ստեղծել Արարատի մարզի Վերին Դվին   ասորական  համայնքում «Կանանց  ինֆորմացիոն  խորհրդատվական  կենտրոն» (ԿԻԽԿ):

Կազմակերպելով  4 ամիսների  ընթացքում համայնքի  հայ  և  ասորի կանանց  իրազեկումը  տեղեկատվական  սեմինարների,  տարբեր  ոլորտների  մասնագետների  հետ խորհրդատվական  հանդիպումների,   նաև  այցելությունների  միջոցով, կարողացել են կանանց հաղորդել ինքնավստահություն և համարձակություն  մասնակցելու համայնքային  կյանքին,  գրագետ օգտվելու տարբեր պետական կառույցներից իրենց շահը պաշտպանելու համար,  վստահ պայքարելու  բռնության  և գենդերային խտրականության  դեմ՝ հիմնվելով  համապատասխան օրենքների  վրա:

Հաջողված պատմություններ.

  • Անժելան, որը հինգ երեխայի  մայր է , որոշեց մասնագիտություն ստանալ Արտաշատի Պետական քոլեջում, որտեղ անվճար մեկ տարվա ծրագրի շրջանակներում կստանա դերձակ-վարպետի որակավորում և աշխատանքի կանցնի Արտաշատի նոր բացված կարի ֆաբրիկայում: Նա ասում է, որ երբեք չէր համարձակվի դիմել այդ քայլին, եթե չլիներ մեր ծրագիրը:
  • Զվարդը ոչ մի հույս չուներ, որ իր որդին կարող է անվճար ստանալ բժշկական օգնություն և աչքի տեսողությունը կարող է վերականգնվել:
  • Այժմ  Զվարդը, որը, իր խոսքերով ասած,ամուսնուն կորցնելուց հետո կորցրել էր նաև հավատը, որ այս երկրում արդարություն կա, այժմ վստահ և համարձակ դիմում է համապատասխան կառույցներ ոչ միայն իր համար, այլ օգնում է նաև ընկերուհիներին:
  • Ալևտինայի մայրիկը չէր մտածել,  որ կարող է դիմել  Ալևտինայի համար թոշակ ձևակերպելու համար: Ալևտինան դպրոց չի հաճախել, արդեն հասուն աղջիկ է, սակայն աշխատել և իրեն ապահովել ի վիճակի չէ:  Նրան օրենքով հասնող թոշակ ձևակերպվեց, իսկ հիվանդ մայրիկին՝ սոցիալական նպաստ:
  • Նվարդը, որը երեք դպրոցական երեխա ունի, տարիներ շարունակ բռնության է ենթարկվել հարբեցող ամուսնու կողմից: Ամուսնուն բացատրել են,  որ Նվարդը օրենքով պաշտպանված է և, եթե բռնությունները շարունակվեն, նա կպատժվի  օրենքով: Ամուսինը փոխել է վերաբերմունքը Նվարդի և երեխաների նկատմամբ, իսկ Նվարդը պատրաստվում է աշխատանքի անցնել  կարի ֆաբրիկայում:  

«Ամենակարևոր կարծրատիպը  գյուղական կանանց մոտ հավատի և վստահության բացակայությունն է: Դա մենք կարողացել ենք ճեղքել, սակայն այն կայծը, որ առաջացրել ենք Վերին Դվին համայնքում, ցանկանում ենք խարույկ դարձնել ամբողջ մարզի կանանց համար»:

Leave a Reply