Մեր մասին
Հիմնադրված 2018թ.՝ Հայաստանում կանանց հիմնադրամը տեղական ֆեմինիստական կազմակերպություն է, որն աջակցում է Հայաստանի կանանց և աղջիկներին՝ կարողությունների զարգացման, ֆինանսական աջակցության ցուցաբերման և ֆեմինիստական շարժման զարգացմանը աջակցելու միջոցով:
Հիմնադրամի առաքելությունն է աջակցել Հայաստանում կանանց շարժման՝ անհրաժեշտ ռեսուրսներ և գործիքներ տրամադրելով կանանց կազմակերպություններին, կանանց նախաձեռնություններին, ֆեմինիստ ակտիվիստներին, հետազոտողներին և գիտնականներին` կանանց իրավունքների և ֆեմինիստական ծրագրերի առաջխաղացման համար իրենց գաղափարների նախագծման և իրականացման գործում:
Հիմնադրամի նպատակն է զարգացնել կայուն ֆեմինիստական ֆիլանթրոպիա` աջակցելու ֆեմինիստական դիսկուրսի, անվտանգ/ապահով տարածքների և հավաքական նախաձեռնությունների ամրապնդմանը` ուղղված այն հիմնական մարտահրավերներին, որոնց Հայաստանում այսօր բախվում են կանայք և աղջիկները:
2018թ.-ից սկսած՝ հիմնադրամը իրականություն է դարձրել մի շարք նախագծեր, ստացել բազմաթիվ ծրագիր-առաջարկներ, ի վիճակի եղել աջակցելու ավելի քան 100 ծրագրերի, ուղղակի և անուղղակի կերպով աջակցել ավելի քան 1000 կնոջ և աղջկա: Հիմնադրամը մի շարք թրեյնինգներ ու կարողությունների զարգացման դասընթացներ է կազմակերպել տարբեր խմբերի կանանց համար: Հիմնադրամը հանդիսանում է Պրոսպերա եվրոպական կանանց հիմնադրամների միջազգային ցանցի անդամ, ունի մի շարք վստահելի դոնորներ ու աջակիցներ:
Մեր թիմը
Գոհար Շահնազարյան
Համահիմնադիր
Գոհարը Հիմնադրամի համահիմնադիրներից է, աշխատում է միջազգային հարթակներում ու ցանցերում Հիմնադրամը ներկայացնելու ուղղությամբ:
Սիրան Հովհաննիսյան
ծրագրի համակարգող
Սիրանը պատասխանատու է Հիմնադրամի և նրա գործընկերների կողմից իրականացվող ծրագրերի իրականացման և վերահսկման համար:
Արմինե Մարկոսյան
ծրագրի օգնական
Արմինեն աշխատում է Հիմնադրամի հաղորդակցությունների բաժնում՝ որպես բաժնի պատասխանատու, կազմում է Հիմնադրամի ռազմավարական հաղորդակցությունը, պատրաստում ֆեմինիստական կոնտենտ:
Ելենա Սարգսյան
Ծրագրերի օգնական
Ելենան Հիմնադրամում աշխատում որպես ծրագրերի օգնական: Նրա հիմնական աշխատանքը կապն է գործող գործընկերուհիների հետ, ծրագրային հարցերում նրանց օգնելն ու օժանդակելը:
Սոնա Բալդրյան
Սոնան «ՖեմՊատում» ծրագրի ղեկավարն է: Ծրագրի նպատակն է արխիվացնել հայ կանանց բանավոր պատմությունները, ինչպես նաև հասարակությանը ծանոթացնել հայկական ֆեմինիզմի պատմության, հայ ֆեմինիստ կանանց հետ:
ՀԿՀ հոգաբարձուների խորհուրդը
Հռիփսիմե Պարոնիկյան
խորհրդի անդամ
Լինելով ակտիվ ֆեմինիստ և քաղաքացիական արդարադատության ակտիվիստ՝ Հռիփսիմեն հավատարիմ է ամենուր կանանց և աղջիկների համար ավելի ապահով և արդարացի փորձ ստեղծելուն: Հռիփսիմեն ծնվել է Հայաստանում՝ Երևանում, տասը տարեկանում արտագաղթել է Միացյալ Նահանգներ։ Նա ունի բակալավրի կոչում Մաթեմատիկա/Մաթեմատիկա-Կրթություն բաժնի և վերջերս ավարտել է Հարվարդի Քենեդու դպրոցի Հանրային առաջնորդության բաժինը, որը ճանապարհ է հարթում Հարվարդի համալսարանի մագիստրոսի կոչում ստանալու համար: Հռիփսիմեն իր աշխատանքային գործունեության մեծ մասում եղել է բիզնեսի սեփականատեր/ուսուցիչ. այնուամենայնիվ, նա կենտրոնացրել է իր ուշադրությունը՝ զուգակցված իր փորձի/կրթության հետ՝ օգնելու կազմակերպություններին և համայնքներին պատկերացնել և իրականացնել լուծումներ իրենց առջև ծառացած հարմարվողական և բարոյական մարտահրավերներին:
Նվարդ Մանասյան
Խորհրդի անդամ
Նվարդ Վ. Մանասյանը կրթության ոլորտում ունի ավելի քան տասը տարվա փորձ: Նա աշխատել է կառավարության և միջազգային կազմակերպությունների համար՝ ներգրավվելով նախագծերի կառավարման և ոլորտային քաղաքականության խորհրդատվության մշակման գործընթացներում: 2007 թ. -ից մինչև 2016 թ.-ը դասավանդել բարձրագույն ուսումնական հաստատություններում և Հայաստանի բուհերից մեկում ձևավորել է որակի ապահովման կենտրոնը: 2009 թվականից TEMPUS բարձրագույն կրթության բարեփոխումների փորձագետների անդամ է: Ներկայումս մասնագիտանում է գենդերային նորմերի ծրագրավորման ոլորտում: Նրա հետազոտական հետաքրքրությունները վերաբերում են բարձրագույն կրթության քաղաքականությանը և կրթության ոլորտում գենդերային խնդիրներին: Ն. Մանասյանն ունի մագիստրոսի կոչումներ (կամ համարժեք) Հայաստանի պետական ճարտարագիտական համալսարանից, Հայաստանի ամերիկյան համալսարանից և Ցինցինատիի համալսարանից:
Սևան Պետրոսյան
խորհրդի անդամ
Սևան Պետրոսյանը Վորլդ Վիժն Հայաստանում ծրագրի ղեկավար է և գենդերային հարցերով մասնագետ: Մինչ Վորլդ Վիժն Հայաստանը՝ Սևանը տարիներ շարունակ աշխատել է մարդու իրավունքների և զարգացման ոլորտում, մասնավորապես՝ ՄԱԿ-ի գործակալությունների և այլ միջկառավարական և միջազգային կազմակերպությունների հետ, ինչպես նաև Եվրոպայում, Մերձավոր Արևելքում և Հարավային Կովկասում քաղաքական և դիվանագիտական գրասենյակներում՝ քաղաքականություն մշակելու ոլորտում: Նա գենդերային հավասարության և կանանց իրավունքների ակտիվ ջատագով և ակտիվիստ է, հատկապես բոլոր մակարդակներում աշխատելով սոցիալական նորմերի դրական փոփոխությունների ուղղությամբ, որոնք վնասում են կանանց և աղջիկներին և նրանց պաշտպանությանը: Սևանը Հայաստանի ամերիկյան համալսարանի Համեմատական իրավագիտության մագիստրոսի կոչում ունի։ Նա ապրում և աշխատում է Երևանում:
Վարանտա Նիզիբլյան
Խորհրդի անդամ
Վարանտա Նիզիբլյանը 19 տարեկան է :Այժմ Մարդու իրավունքներ է ուսումնաիսրում Շվեդիայի Մալմյո քաղաքի համալսարանում: Մարդու իրավունքները և հատկապես կանանց իրավունքները Վարանտայի կիրքն են դեռ մանկուց: Վարանտան ակտիվ կամավոր է կանանց իրավունքների կենտրոններում և ակտիվիստ, որը պայքարում է բոլոր մարդկանց, արարածների և երկրի համար հավասարություն և արդարություն հաստատելու ուղղությամբ:
